ომი მხოლოდ უკრაინის სრული დეოკუპაციის შემდეგ დასრულდება , - ამის შესახებ უკრაინის პრეზიდენტმა ვოლოდმირ ზელენსკიმ განაცხადა. მისი თქმით, უკრაინამ უნდა დაიბრუნოს ყველა ოკუპირებული ტერიტორია და მხოლოდ მაშინ იქნება შესაძლებელი ომის დასრულებაზე საუბარი.

„თუ არ იქნება მკაფიოდ გარკვეული, რომ ჩვენ დავიბრუნეთ ჩვენი მიწები, თუ რაღაც მაინც იქნება კითხვის ნიშნის ქვეშ, დარჩება ერთი რომელიმე გაუთავისუფლებელი ნაწილი, მეორე სხვა ნაწილზე კი კომპრომისები იქნება, დამერწმუნეთ, რუსეთი მაინც დაბრუნდება ჩვენი მიწების დასაპყრობად“, - თქვა ზელენსკიმ.

ზელენსკიმ ასევე აღნიშნა, რომ უკრაინა, სამწუხაროდ, ვეღარ დაიბრუნებს დაღუპულებს, მაგრამ შეძლებს სამართლიანობის აღდგენას, რომელიც თავისი მიწების დაბრუნებით დაიწყება.