კრემლში, რუსმა დიქტატორმა ვლადიმირ პუტინმა და სეპარატისტმა ლიდერებმა ხელი მოაწერეს უკრაინის ოკუპირებული ტერიტორიების რუსეთის შემადგენლობაში შესვლის შესახებ „შეთანხმებებს“.

არსებული ინფორმაციით, ეს უკრაინის ტერიტორიის 15%-ია.

ე.წ. შეთანხმებების ხელმოწერის ცერემონიაში ასევე მონაწილეობდნენ თვითგამოცხადებული დონეცკის სახალხო რესპუბლიკის ლიდერი დენის პუშილინი, თვითგამოცხადებული ლუჰანსკის სახალხო რესპუბლიკის ლიდერი ლეონიდ პასეჩნიკი, ოკუპირებული ზაპოროჟიეს ოლქის სეპარატისტი ლიდერი ევგენი ბალიცკი, ოკუპირებული ხერსონის ოლქის სეპარატისტი ლიდერი ვლადიმირ სალდო.

მანამდე, პუტინმა ხელი მოაწერა განკარგულებას უკრაინის ზაპოროჟიესა და ხერსონის ოლქების „დამოუკიდებლობის“ აღიარების შესახებ.