უკრაინის შეიარაღებული ძალები უახლოეს 72 საათში დაიკავებენ, ან სრულად ალყაში მოაქცევენ დონეცკის ოლქის ქალაქ ლიმანს. 

ამის შესახებ ამერიკის ომის შემსწავლელი ინსტიტუტის (ISW) ანგარიშშია ნათქვამი.

ISW ე.წ. „დონეცკის სახალხო რესპუბლიკის“ წარმომადგენელებსა და რუს სამხედრო კორესპონდენტებზე დაყრდნობით წერს, რომ რუსეთის ჯარი ჯერ კიდევ აკონტროლებს ლიმანს, თუმცა უკან დაიხიეს დრობიშევოსა და იამპოლის პოზიციებიდან (იამპოლის გათავისუფლება უკვე დაადასტურა ვოლოდიმირ ზელენსკიმ).  

რუსული წყაროები, ამტკიცებდნენ, რომ რუსები ჯერ კიდევ აკონტროლებენ ლიმანიდან ტორსკოემდე მიმავალ გზატკეცილს. მაშინ როცა უკრაინულმა ძალებმა გადაკეტეს დრობიშევო-ტორსკოეს გზა სტავოკის რაიონში.

აღნიშნული წყაროები ასევე აღნიშნავდნენ, რომ გაიზარდა უკრაინის სადაზვერვო-დივერსიული ჯგუფების აქტიურობა ლიმანიდან ჩრდილო-აღმოსავლეთით, სვატოვო-ტორსკოეს მაგისტრალზე, მას შემდეგ რაც მდინარე ჟერებეცი გადალახეს.

ISW ასევე წერს, რომ 30 სექტემბერს უკრაინის ძალებმა ძლიერი დარტყმები მიაყენეს რუსულ სამხედრო ობიეტქებს ლუჰანსკის ოლქში.