რუსები „აზოვსტალელ“ ტყვეებს ცხოველებივით ექცეოდნენ, აშიშვლებდნენ, სცემდნენ, წებოვან ლენტებს აკრავდნენ და ამცირებდნენ.

ამის შესახებ ტყვეობიდან გათავისუფლებულმა საზღვაო ქვეითმა მიხაილო დიანოვმა Sky News-თან ინტერვიუში განაცხადა.

ის სხვა ტყვეებთან ერთად ოკუპირებული ელონოვკის კოლონიაში იმყოფებოდა.

მიხაილო ამ ადგილს საკონცენტრაციო ბანაკს უწოდებს და იხსნებს ოკუპანტები როგორ აშიმშილებდნენ ტყვეებს.

„ისინი ჩვენ ცხოველებივით გვეპყრობოდნენ. ჭამა შეუძლებელი იყო. ჭამისთვის გვაძლვდნენ 30 წამს. 30 წამში უნდა მოგვესწრო ყველაფრის ჭამა. პური განზრახ ძალიან იყო გამხმარი, ბიჭები, რომლებსაც კბილები დააძრეს, ჭამას ვერ ასწრებდნენ. 30 წამის შემდეგ ჭამა უნდა შეგეწყვიტა. შემდეგ მაშინვე უნდა ამდგარიყავი და გაქცეულიყავი. სულ ასე იყო“, - ამბობს დიანოვი.

დიანოვი ასევე იხსენებს, რომ ტყვეებს ათავსებდნენ სამარტოო საკანში და აწამებდნენ იმისთვის, რომ მათ მიწიდან კენკრა აიღეს და შეჭამეს. მათ სცემდნენ ჯოხებით, იყენებდნენ ელეტქროშოკს და ფრჩხილების ქვეშ ნემსებს ურჭობდნენ.

 „მერწმუნეთ, ერთთვიანი შიმშილობის შემდეგ, როდესაც თვალებს ხუჭავ, გავიწყდება ოჯახი, ქვეყანა, ყველაფერი. ერთადერთი, რაზეც ფიქრობ - ეს  საჭმელია“, - ამბობს დიანოვი.

ამასთან, ციხეში იმაზე მეტი ადამიანი იმყოფებოდა, ვიდრე შენობა იტევდა. ბლოკში 150-ის ნაცვალდ 800 ადამიანი იყო მოთავსებული. წარმოუდგენელი სიმჭიდროვის გამო, რომელიც ხალხმრავლობით იყი გამოწვეული, დიანოვს შეექმნა პრობლემები ფეხებზე. ამჟამად მას სიარული უჭირს.

ტყვეობაში ყოფნის ოთხი თვის განმავლობაში რუსებმა მიხაილო ისე შეცვალეს, რომ მისი ცნობა შეუძლებელია. დიანოვმა 40 კგ დაიკლო, მისი ჯანმრთელობის მდგომარეობა კი უკიდურესად მძიმეა.

რუსები დაჭრილებს საჭირო სამედიცინო დახმარებას თითქმის არ უწევდნენ. ტყვეობაში ჩავარდნის მომენტში დიანოვს მოტეხილი ჰქონდა მარჯვენა ხელი. ოკუპანტებმა მას ოპერაცია ბრტყელტუჩითა და ანესთეზიის გარეშე გაუკეთეს. ტყვეობაში ყოფნის დროს, სამედიცინო დახმარების არარსებობის გამო, ძვალი ნახევარწრიულად გაიზარდა.

ახლა დიანოვმა 20 კილოგრამით უნდა მოიმატოს, ვიდრე ხელზე ოპერაციას გაიკეთებს. ფსიქიკური მდგომარეობის გაუმჯობესებას კი გაცილებით დიდი დრო დასჭირდება.

 „ყველა ტრავმირებულია. მე თავს ფსიქიკურად ძლიერ ადამიანად მივიჩნევ, მაგრამ ჩემთვის ბევრმა რამ ფასი დაკარგა“, - ამბობს მიხაილო.

21 სექტემბერს რუსების ტყვეობიდან 215 ადამიანი გათავისუფლდა. უკრაინის პრეზიდენტის ოფისში განაცხადეს, რომ 200 უკრაინელი დამცველი პუტინის ნათლიმამა ვიქტორ მედვედჩუკზე გაცვალეს.