თეთნულდზე დაკარგული სამი ტურისტი გარდაცვლილი იპოვეს
სვანეთში, თეთნულდზე დაკარგული სამი ტურისტი გარდაცვლილი იპოვეს - ინფორმაციას სვანეთის სათემო რადიო ავრცელებს. მთამსვლელები ლიეტუვის მოქალაქეები არიან.
დაკარგულების შესახებ ინფორმაცია ერთ-ერთის მეუღლემ დღეს განაცხადა. მისი ცნობით, მთამსვლელები 6 დღეა, რაც კონტაქტზე არ გამოსულან. სამძებრო სამაშველო სამუშაოებში ჩართული იყვნენ ადგილობრივი სამაშველო ჯგუფი და კერძო სამაშველო ვერტმფრენი, რადგან სახელმწიფოს ასეთი ტიპის ვერტმფრენიც არ ჰყავს.
ამჟამად მიმდინარეობს ცხედრების გამოყვანის სამუშაოები.
