აზერბაიჯანიდან დამატებითი ბუნებრივი აირის მიღებასთან დაკავშირებით შეთანხმება თითქმის უკვე მიღწეულია - ეს განცხადება ბაქოდან დაბრუნებულმა ენერგეტიკის მინისტრმა გააკეთა.

საქრთველოს ვიცე პრემიერი ბაქოში, სამხრეთ გაზსადენის კორიდორის მრჩეველთა საბჭოს მინისტერიალზე იმყოფებოდა, სადაც მთავარი თემა შაჰდენიზის პროექტის მეორე ფაზის მიმდინარეობა იყო - პროექტის ფარგლებში საქართველოში ორი მილიარდი დოლარის ინვესტიცია განხორციელდება.

„შეხვდერა გვქონდა ილჰამ ალიევთან, სადაც ვისაუბრეთ ჩვენს ქვეყნებს შორის არსებულ მეგობრულ ურთიერთობებზე, ასევე შევხვდი სოკარის პრეზიდენტს, სადაც ვისაუბრეთ სამომავლო თანამშრომლობებზე, დამატებითი მოცულობების წამოღებაზე, რაც დიდ აუცილებლობას წარმოდგენს ჩვენი შიდა მოხმარებისთვის“, - განაცხადა კახა კალაძემ.

რაც შეეხება გაზპრომს, მინისტრმა გაზპრომთან მიმდინარე მოლაპარაკებებზეც ისაუბრა. მისი თქმით, პროცესი რამდენიმე დღეში, საქართველოსთვის სასარგებლო გადაწყვეტილებით დასრულდება.