მოძრაობა „ხალხის ძალის“ წევრები იზიარებენ პოლიტიკას, რასაც „ქართული ოცნება“ ატარებს, – ამის შესახებ თბილისის მერმა, კახა კალაძემ განაცხადა.

„რიგ საკითხებში, პარლამენტში გადაწყვეტილებების მიღების დროს „ქართულ ოცნებას“ ექნება მათი მხარდაჭერა, რაც ვფიქრობ, ძალიან მნიშვნელოვანია. ამ ადამიანებს აქვთ თავიანთი ხედვა ამა თუ იმ საკითხებზე და ეს მათი გადასაწყვეტია“, – განაცხადა კახა კალაძემ.

მოძრაობა „ხალხის ძალას“ „ქართული ოცნების“ კიდევ ხუთი დეპუტატი, ეკა სეფაშვილი, ვიქტორ ჯაფარიძე, დავით კაჭარავა, დაჩი ბერაია და ზაალ მიქელაძე შეუერთდა.

ამასთან, მოძრაობის წევრმა, სოზარ სუბარმა განაცხადა, რომ "ხალხის ძალა" უმრავლესობის წევრებად რჩებიან, თუმცა აღნიშნა, რომ მათ გარეშე უმრავლესობა უკვე აღარ არსებობს.