თურქული მედია ავრცელებს ინფორმაციას, რომ ქვეყნის პრეზიდენტ ერდოღანსა და სომხეთის პრემიერმისტრ, ნიკოლ ფაშინიანს შორის ხუთშაბათს პირისპირ შეხვედრა გაიმართება. შეხვედრა პრაღაშია დაგეგმილი.

"ხვალ, თურქეთის დროით 19:00 საათზე პრეზიდენტი ერდოღანი პრაღაში ორმხრივ შეხვედრას გამართავს სომხეთის პრემიერ-მინისტრ ფაშინიანთან", - წერს გაზეთი.

ეს იქნება პირველი პირისპირ შეხვედრა თურქეთისა და სომხეთის ლიდერებს შორის ურთიერთობების ნორმალიზაციის პროცესის განახლების შემდეგ.

სომხეთის სახელმწიფო რადიო და სომხეთის პირველი არხი სექტემბრის ბოლო კვირიდან ავრცელებდნენ ინფორმაციას ერდოღანის ფაშინიანთან შეხვედრის შესაძლებლობის შესახებ.