2013 წლის თებერვალში, ივანიშვილთან საუბრის შედეგად გამიჩნდა ეჭვი, რომ ქვეყანა სხვა მიმართულებით მიდიოდა, - ამის შესახებ პარტია "დროას" წევრმა ნინო გოგუაძემ ტვ პირველის ეთერში განაცხადა.

"2013 წლის თებერვალში მე მქონდა ძალიან მძიმე ლაპარაკი ბიძინა ივანიშვილთან [...] მან გაცხარების დროს ბევრი რაღაცის თქმა იცის, მეც არ დავუთმე. სულ სამ ადამიანს ვუამბე ამის შესახებ, ერთ-ერთი იყო დავით უსუფაშვილი და მაშინვე ვუთხარი, შარში ვართ-თქო. ეს იყო გამარჯვებიდან 3 თვეში. 2013 წლის თებერვალში გამიჩნდა ეჭვი, რომ ქვეყანა მიდიოდა სხვა მიმართულებით. ეს ეჭვი გამყარებული იყო მასთან [ივანიშვილთან] საუბრის შედეგად. მთელი ეს დაპირისპირება ალასანიასთან, კაბელების საქმე - ეს ყველაფერი იყო მისი ანტიდასავლური, როგორც ახლა აღმოჩნდა, რუსული პოლიტიკა", - თქვა გოგუაძემ.