რუსეთის არმია ბრძოლის ველზე და უკან დახევის დრის იმაზე მეტ ტექნიკასა და იარაღს ტოვებს, ვიდრე მთელი ომის განმვალობაში დასავლეთის ქეყნებმა უკრაინას გადასცეს. ამის შესახებ The Wall Street Journal ანალიტიკოსებსა და სამხედრო პირებზე დაყრდნობით იტყობინება.

ანალიტიკური პროექტის Oryx-ის მონაცემებით, უკრაინის შეიარაღებულმა ძალებმა ხელთ იგდეს 460 რუსული ტანკი (დასავლეთის ქვეყნებმა უკრაინას 320 ტანკი გადასცეს), 92 თვითმავალი შეიარაღება, 448 ქვეითი საბრძოლო მანქანა (210 მიიღო დასავლეთისგან), 195 საბრძოლო ჟავშანმანქანა (70 მიიღო დასავლეთისგან) და 44 სარაკეტო სისტემა (70 დასავლეთისგან). WSJ ყურადღებას ამახვილებს, რომ აღნიშნული ინფორმაცია შეგროვდა ღია წყაროებისგან, მოპოვებული ტექნიკის რაოდენობა კი შესაძლოა, მეტი იყოს.

 „ჩვენ იმდენად დიდი ნადავლი გვაქვს, რომ არც კი ვიცით, რა ვუყოთ. ჩვენ დავიწყეთ, როგორც ქვეითთა ბატალიონმა, ახლა კი ერთგავრი მექანიზირებული ბატალიონი ვხდებით“, - თქვა ბატალიონ „კარპატსკაია სეჩის“ შტაბის უფროსმა რუსლან ანდრეიკომ.

ამასთან, Oryx-ის ანალიტიკოსმა იაკუბ იანოვსკიმ აღნიშნა, რომ აღჭურვილობის ნაწილის, რომელიც თანამედროვე შეიარაღების ნარევს წარმოადგენს, შესაძლებელია ეფექტურად გამოყენება, ნაწილი კი უნდა ინახებოდეს მუზეუმებში. თუმცა WSJ იუწყება, რომ ბოლო თვეებში უკრაინის შეიარაღებულმა ძალებმა შეძლეს შედარებით თანამედროვე რუსული შეიარაღების მოპოვება, ისეთების, როგორიცაა ტანკები Т-90 და ჯავშანტრანსპორტიორები 82

BBC - ის ინფორმაციით, ომის დაწყებიდან უკრაინამ დასავლეთის ქვეყნებისგან 15 მლრდ დოლარის ღირებულების იარაღი მიიღო. ყველაზე მსხვილი მიმწოდებლები არიან აშშ (8,79 მლრდ დოლარი), პოლონეთი (1,83 მლრდ), დიდი ბრიტანეთი (1,36 მლრდ) და კანადა (950 მლნ დოლარი).