უკრაინის პრეზიდენტმა ვოლოდიმირ ზელენსკიმ ხელი მოაწერა განკარგულებას, რომელითაც მოსკოვსა და ტოკიოს შორის სადავო, კურილის კუნძულები იაპონიის ტერიტორიად და რუსეთის მიერ დროებით ოკუპირებულად გამოაცხადა.

„დღეს მივიღეთ მნიშვნელოვანი, სამართლიანი, იურიდიულად უნაკლო, ისტორიული გადაწყვეტილება. უკრაინამ დაადასტურა იაპონიის სუვერენიტეტისა და ტერიტორიული მთლიანობისადმი პატივისცემა, მათ შორის ჩრდილოეთის ტერიტორიის, რომელიც ჯერ რუსეთის მიერ არის ოკუპირებული“, – განაცხდა ვოლოდიმირ ზელენსკიმ.

ზელენსკის თქმით, კიევი მოუწოდებს მსოფლიოს, ანალოგიური გადაწყვეტილება მიიღონ.

პრეზიდენტმა ხაზგასმით აღნიშნა, რომ რუსეთი თავისი მაგალითით მსოფლიოს ყველა აგრესორს აჩვენებს, რომ დამყრობლური ტერორისტული ომი - არის გზა აგრესორის დასუსტებისა და გარდაუვალი განადგურებისაკენ.

"აგრესორმა უნდა წააგოს. ასეც იქნება. რათა ომები აღარ განმეორდეს და მშვიდობა მართლაც გრძელვადიანი იყოს", - აღნიშნა პრეზიდენტმა ზელენსკიმ.

სადავო ტერიტორიები საბჭოთა კავშირმა მეორე მსოფლიო ომში იაპონიის მიერ 1945 წლის 15 აგვისტოს კაპიტულაციის შემდეგ დაიკავა.