რუსეთის ფედერაციის საგარეო საქმეთა მინისტრის, სერგეი ლავროვის თქმით, რუსეთი ერთგული რჩება ბირთვული იარაღის მფლობელი ხუთი სახელმწიფოს ერთობლივი განცხადებისა, რომელიც ბირთვული ომის დაუშვებლობას გულისხმობს. ლავროვმა ამის შესახებ რუსულ მედიას განუცხადა.

"უკრაინის გარშემო შექმნილი კრიზისის პირობებში სწორედ ამერიკელები და მათი მოკავშირეები ცდილობენ აქტიურად შემოიტანონ საჯარო ხმარებაში ბირთვული რიტორიკა. შეგახსენებთ, რომ სპეციალური სამხედრო ოპერაციის დაწყებამდე ცოტა ხნით ადრე, მიუნხენის უსაფრთხოების კონფერენციაზე გამოსვლისას ვოლოდიმირ ზელენსკიმ შეცდომა უწოდა იმ ბირთვულ იარაღზე უარის თქმას, რომელიც სსრკ-ს დაშლის შემდეგ მათ ტერიტორიაზე დარჩა. ამის შემდეგ დასავლელმა პოლიტიკოსებმა "ბირთვული რიტორიკის" გამოყენება დაიწყეს. მაგალითად, გავიხსენოთ წინასაარჩევნო კამპანიის დროს დიდი ბრიტანეთის ამჟამინდელმა პრემიერმინისტრმა რა მარტივად გასცა დაპირება, რომ საჭიროების შემთხვევაში "წითელ ღილაკს" დააჭერს.

რუსეთი ერთგული რჩება ბირთვული იარაღის მფლობელი ხუთი სახელმწიფოს ლიდერის განცხადების, რომელიც მიმდინარე წლის 3 იანვრით არის დათარიღებული.

მაგრამ დასავლეთში ყველაფერს ამახინჯებენ და ცდილობენ წარმოაჩინონ საქმე ისე, თითქოს რუსეთი აჟღერებს ბირთვულ საფრთხეებს და რომ მას შეუძლია ბირთვული იარაღის გამოყენება უკრაინაში. მიმართავენ სხვადასხვა მანიპულაციას და აშკარა სიცრუეს. თუმცა ამას ყველა დიდი ხანია მიეჩვია", - განაცხადა ლავროვმა.