უკრაინული მედიის ცნობით, დნიპროში აფეთქებების ხმა გაისმა
დღეს, 10 ოქტომბერს დნიპროში აფეთქებების ხმა გაისმა.
ინფორმაციას უკრაინული მედია ადგილობრივ ტელეგრამ-არხებზე დაყრდნობით ავრცელებს.
წინასწარი ინფორმაციით, ქალაქში ჯერ ერთი აფეთქება მოხდა, შემდეგ კი მცირე ინტრევალებით სამი აფეთქების ხმა გაისმა.
ქალაქის თავზე სქელი კვამლი გამოჩნდა. დნიპროს ერთ-ერთ რაიონში დაფიქსირდა სერიოზული ნგრევა. გაჩნდა ხანძარი.
ასევე ვრცელდება ინფორმაცია, რომ ჭურვი ქალაქის საცხოვრებელ უბანში აფეთქდა. ხელისუფლებას ქალაქზე საჰაერო თავდასხმის შესახებ კომენტარი ჯერ არ გაუკეთებია.
