უკრაინის საგარეო საქმეთა მინისტრი დმიტრო კულება რუსეთის მასირებულ იერიშს ეხმიანება და აღნიშნავს, რომ რუსეთის ეს ქმედებები კიდევ ერთი არგუმენტია მათთვის, ვინც ამ დრომდე ფიქრობს, რომ პუტინთან სამშვიდობო მოლაპარაკებები შესაძლებელია.

 „პუტინის ერთადერთი ტაქტიკა უკრაინის მშვიდობიანი ქალაქების წინააღმდეგ ტერორია, მაგრამ უკრაინას ეს ვერ გატეხს. ეს ასვე არის პასუხი ყველა „დამაშოშმინებელის“ მიმართ, ვისაც მასთან მშვიდობაზე საუბარი სურს. პუტინი ტერორისტია, რომელიც რაკეტებით ლაპარაკობს“, - წერს კულება ტვიტერში.

რუსმა ოკუპანტებმა კიევსა და უკრაინის სხვა ქალაქებზე სარაკეტო დარტყმები დღეს, დილიდან მიიტანეს.

უკრაინის დედაქალაქში სარაკეტო იერიშებს  რვა ადამიანი ემსხვერპლა, დაშავებულია 24.

რუსეთის საოკუპაციო ძალებმა იერიში მიიტანეს სლავიანსკზეც. დაიღუპა ოთხი ადამიანი ავიაიერიში განხორციელდა ლვოვზეც.  აფეთქებების ხმა ისმის დნიპროპეტროვსკში, ხმელნიცკსა და ჟიტომირში. უკრაინული მედია წერს, რომ აღნიშნულ ქალაქებში საჰაერო თავდაცვის სისტემა მუშაობს. მთელი უკრაინის მასშტაბით საჰაერო განგაშია გამოცხადებული.