უკრაინის შეიარაღებული ძალების გენშტაბის ინფორმაციით, რუსეთმა 10 ოქტომებერს უკრაინის მიმართულებით მასირებული შეტევა კასპიის ზღვის აკვატორიიდან და ნიჟნი ნოვგოროდიდან განახორციელა. ამ მომენტისთვის ოკუპანტებმა უკრაინის ტერიტორიაზე 83 რაკეტა ისროლეს.

აღნიშნული ინფორმაცია უკრაინის თავდაცვის მინისტრის მოადგილის ანა მალიარის Telegram-არხზე გავრცელდა.

 „დღეს 06:20 საათიდან 11:15 საათამდე პერიოდში რუსეთის ფედერაციამ სარაკეტო და საავიაციო დარტყმები განახორციელა უკრაინის ტერიტორიაზე კასპიის ზღვისა და ნიჟნი ნოვგოროდის რაიონებიდან, ქალაქების - კიევის, ლვოვის, პრილუკის, ხმელნიცკის, დნიპროს, ნეჟინის, ჟიტომირის, ხარკოვის მიმართ“, - წერს მალიარი.

ამ დროისათვის რუსმა ოკუპანტებმა უკრაინის წინააღმდეგ 83 რაკეტა გაუშვეს, მათგან 43 უკრაინის საჰაერ თავდაცვის ძალებმა ჩამოაგდეს. ოკუპანტებმა ასევე გამოიყენეს 17 კამიკაძე-დრონი, რომლებიც გაუშვეს ანექსირებული ყირიმის ტერიტორიიდან და ბელარუსიდან. უკრაინის ძალებმა სამი უპილოტო საფრენი აპარატი ოდესის ოლქში ჩამოაგდეს.