უმძიმესი ფაქტია, რა თქმა უნდა, თავზარდაცემულები ვართ ყველა, - ამის შესახებ თბილისის მერმა, კახა კალაძემ ვაკის პარკის მომხდარ ტრაგედიასთან დაკავშირებით განაცხადა.

"უმძიმესი ფაქტია, რა თქმა უნდა, თავზარდაცემულები ვართ ყველა. რაც შეეხება გამოძიებას, დაწყებულია, ჩართულია ყველა შესაბამისი უწყება და, ცხადია, ყველა დაისჯება შესაბამისად, კანონის ფარგლებში.

სამუშაოების ცენტრალური კონტრაქტორი იყო გრინსერვისი, კონტრაქორები არ ვიცი, გამიჭირდება... ცხადია, შემოწმებული იყო, პროექტი დიდი ხანია დასრულებულია, უბრალოდ, გუშინ ვიყავით ჩვენ მისულები. დანარჩენს ცოტა მოგვიანებით.

რა თქმა უნდა [მერიის პასუხისმგებლობაა] უდიდესი თემა არის, უმძიმესი თემაა, თავზარდაცემულები ვართ ყველა. ეს არის ძალიან დიიდ პასუხისმგებლობა ყველასი და, რა თქმა უნდა, ყველას გაეცემა შესაბამისი პასუხი", - განაცხადა კალაძემ.

დღეს, ვაკის პარკის შადრევანში 3 ბავშვს დენმა დაარტყა. როგორც თვითმხილველები ჰყვებიან, ისინი შადრევანში ბურთის ამოსაღებად იყვნენ ჩასულები. შემთხვევა რამდენიმე საათის წინ მოხდა.

ცოტა ხნის წინ ცნობილი გახდა, რომ ერთ-ერთი მოზარდი, 13 წლის გოგონა გარდაიცვალა..