საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე უარყოფს, რომ პატრიარქი ილია მეორე გადადგომას აპირებს, თუმცა ამბობს იმასაც, რომ გასულ წერს ამაზე იყო საუბარი. ამის შესახებ ანდრია ჯაღმაიძემ სვეტიცხოველში, ჟურნალისტებთან ისაუბრა.

"მე შარშან ვთქვი, რომ პატრიარქს ნათქვამი ჰქონდა გადადგომის შესახებ, მაგრამ არანაირი თარიღები, არანაირი დღესთან დაკავშირებით ვადები", - თქვა მან. ჟურნალისტის კითხვაზე, რატომ აპირებდა გადადგომას? იგი პასუხობს: "ალბათ, თავისი ჯანმრთელობის მდგომარეობიდან, ასაკიდან გამომდინარე. მაშინ იქვე ვთქვი, რომ მღვდელმთავრები ზოგადად, არიან წინააღმდეგნი. ისინი პატრიარქისადმი მამობრივი გრძნობებით არიან განწყობილი, ამიტომ განწყობაც შესაბამისია, რომ პატრიარქმა გააგრძელოს მსახურება. პატრიარქი თუ გადაწყვეტს გადადგომას, ეს მან სინოდზე უნდა თქვას", - თქვა ჯაღმაიძემ.

გუშინ, 13 ოქტომბერს, "მთავარი არხის" ეთერში გავიდა სიუჟეტი, რომლის თნახმად, საქართველოს კათოლიკოს-პატრიარქი, ილია მეორე დეკემბერში გადადგომას აპირებს.