თუ ვინმესთვის დღეს არის უმძიმესი ემოციური მდგომარეობა, ეს არის კახა კალაძე - განაცხადა ვაკის პარკში მომხდარ ტრაგედიაზე საუბრისას თბილისის საკრებულოს თავმჯდომარემ, გიორგი ტყემალაძემ TV იმედის ეთერში.

"გამოძიება მიმდინარეობს და რა თქმა უნდა, დაადგენს, თუ რა ეტაპზე და რა გადაცდენასთან შეიძლება გვქონოდა ჩვენ საქმე. დანამდვილებით შეგვიძლია ვთქვათ, რომ გამოძიება აუცილებლად ბოლომდე მივა. პირველ რიგში, ეს არის ჩვენი ინტერესი, არის კახა კალაძის ინტერესი. დღეს ჩვენ ბევრი შეფასება მოვისმინეთ, მათ შორის პოლიტიკურიც და ასე ვთქვათ, არაპოლიტიკურიც. მაგრამ, ერთი რამ მინდა ვთქვა, რომ თუ ვინმეს ინტერესშია, რომ გამოძიება ობიექტურად წარიმართოს და ეს აუცილებლად ასეც იქნება და თუ ვინმესთვის დღეს არის უმძიმესი ემოციური თუ ასე ვთქვათ, ყველა მხრივ მდგომარეობა, ეს არის თბილისის მერი, კახი კალაძე. ვინც მას იცნობს, იცის, ამ წლების განმავლობაში თუ როგორი დიდი შრომითა და მონდომებით ცდილობდა, რომ თითოეული პროექტი ძალიან მაღალი ხარისხით განხორციელებულიყო. ჩვენ ძალიან ბევრ პროექტი გვაქვს მაღალი ხარისხით განხორციელებული. მაგრამ, საუბედუროდ, ეს შემთხვევა მოხდა და ძალიან რთულია ენით იმის გადმოცემა, რასაც თითოეული ჩვენგანი ვგრძნობთ", - თქვა ტყემალაძემ.

გუშინ, 13 ოქტომბერს, ვაკის პარკის შადრევანში 3 ბავშვს დენმა დაარტყა. ისინი შადრევანში ბურთის ამოსაღებად იყვნენ ჩასულები. ერთ-ერთი მოზარდი, 13 წლის გოგო გარდაიცვალა. ერთ-ერთი დაშავებული იაშვილის კლინიკიდან გაწერეს დღეს გაწერეს.

"ნიუ ჰოსპიტალსში" რჩება კიდევ ერთი დაშავებული 13 წლის ბიჭი. ის ცოტა ხნის წინ ხელოვნური სუნთქვის აპარატიდან მოხსნეს, ექიმის თქმით, ბავშვი კონტაქტურია.