უკრაინაში რუსეთის აგრესიის დაწყებიდან 423 ბავშვი დაიღუპა, 1 233 დაშავდა. ინფორმაციას უკრაინის გენერალური პროკურატურა ავრცელებს.

ყველაზე მეტი ბავშვი დაშავდა დონეცკის, ხარკოვის, კიევის, მიკოლაივის, ჩერნიგოვის, ზაპოროჟიეს, ლუჰანსკის, ხერსონისა და დნიპროპეტროვსკის ოლქებში.

პროკურატურის განცხადებით, აღნიშნული მონაცემები საბოლოო არ არის, საუბარია მხოლოდ იმ დაღუპულებზე, რომელთა იდენტფიცირებაც მოხდა. რეგიონების დიდ ნაწილში, სადაც საბრძოლო მოქმედებები გრძელდება და ოკუპირებულ ტერიტორიებზე ზუსტი მონაცემების მოპოვება შეუძლებელია.

დაბომბვების შედეგად დაზიანდა 2 600-ზე მეტი სასწავლო დაწესებულება, მათ შორის 313 მთლიანად არის დანგრეული.

გაეროს ცნობებით, 10 ოქტომბრის მდგომარეობით, რუსეთის აგრესიის შედეგად დაღუპულია 6 221 მშვიდობიანი მოქალაქე, მათ შორის 396 ბავშვია. გაეროში ასევე აცხადებენ, რომ დაღუპულებისა და დაშავებულების რაოდენობა გაცილებით მეტია.