რუსეთის ძალებმა კიევზე იერიში კამიკაძე დრონებით მიიტანეს
17 ოქტომბერს, დილით, რუსმა ოკუპანტებმა კიევზე იერიში ირანული კამიკაძე დრონებით მიიტანეს.
უკრაინული მედიის ცნობით, აფეთქებების ხმა კიევში ცოტა ხნის წინ კვლავ გაისმა. ქალაქის მერი ვიტალი კლიჩკო მოსახლოებას თავშესაფრებში დარჩენისკენ მოუწოდებს.
გავრცელებული ცნობით, აფეთქებები შევჩენკოს რაიონში მოხდა. შედეგად ერთ-ერთ შენობაში გაჩნდა ხანძარი. ადგილზე მობილიზებულები არიან საგანგებო სიტუაციების სამსახურები.
გავრცელებული ინფორმაციით, კამიკაძე დრონები შენიშნეს კიევის ოლქის სხვადასხვა დასახლებაში. მათი ნაწილი უკრაინელმა სამხედროებმა ჩამოაგდეს.
დაშავებულების შესახებ ინფორმაცია არ ვრცელდება.
