ირანის საგარეო საქმთა სამინისტროში განაცხადეს, რომ თეირანს რუსეთისთვის უკრაინის წინააღმდეგ საბრძოლველად დრონები არ გაუდაუცია.

ამის შესახებ ირანის საგარეო უწყების ოფიციალურმა წარმომადგენელმა ნასერ ქანაანმა ყოველდღიურ პრესკონფერენციაზე განაცხადა. იუწყება უკრაინული მედია Reuters-ზე დაყდნობით.

„გავრცელებულ ინფორმაციას იმის შესახებ, რომ ირანმა რუსეთს უპილოტო საფრენი აპარატები გადასცა, აქვს პოლიტიკური ამბიცია და ვრცელდება დასავლური წყაროებით. ჩვენ არ გადაგვიცია იარაღი საომარ მოქმედებებიშ ჩართული არც ერთი მხარისთვის“, - განაცხადა ქანაანმა.

უკრაინის შეიარაღებული ძალების ინფორმაციით, 17 ოქტომბერს საჰაერო თავდაცვამ 11 კამიკაძე დრონი  "Shahed-136" გაანადგურა. აღნიშნული დრონები იწარმოება ირანში და გამოიყენება რუსი სამხედროების მიერ სახელწოდებით „გერან-2“.

კიევში, რუსეთის ძალებმა ირანული კამიკაძე დრონებით იერიში მიიტანეს შევჩენკოს რაიონში საცხოვრებელ სახლზე. 17 ოქტომბერს, კიევში სულ 4 აფეთქება დაფიქსირდა.