უკრაინის პრეზიდენტმა ვოლოდიმირ ზელენსკიმ განაცხადა, რომ რუსებმა კახოვკის ჰიდროელექტროსადგურის კაშხალი და აგრეგატები დანაღმეს და ტერაქტის განხორციელებას გეგმავენ.

ამის შესახებ ზელენსკიმ ევროპული საბჭოსადმი მიმართვისას განაცხადა.

„რუსეთი სამხრეთ უკრაინაში მასშტაბური კატასტროფისთვის ნიადაგს მიზანმიმართუალად ქმნის. ჩვენ ვფლობთ ინფორმაციას, რომ რუსმა ტერორისტებმა დანაღმეს კახოვკის ჰიდროელექტროსადგურის კაშხალი და აგრეგატები. ამ ჰიდროელექტროსადგურის კაშხალი დაახლოებით 18 მილიონი კუბური მეტრის მოცულობის წყალს იტევს. თუ რუსი ტერორისტები ამ კაშხალს ააფეთქებენ, სწრაფი დატბორვის ზონაში აღმოჩნდება 80-ზე მეტი დასახლებული პუნქტი, მათ შორის ხერსონი. შესაძლოა, ასობით ათასი ადამიანი დაზარალდეს“, - განაცხადა ზელენსკიმ.

მისი თქმით, შესაძლოა საფრთხე შეექმნას სამხრეთ უკრაინის მნიშვნელოვანი ნაწილის წყლით მომარაგებას.მისივე თქმით,  რუსეთის მოსალოდნელმა ტერორისტულმა თავდასხმამ, შესაძლოა, წყლის გარეშე დატოვოს ზაპოროჟიეს ატომური ელეტქროსადგური, რადგან გაგრილებისთვის წყალი ელეტქროსადგურს კახოვკის წყალსაცავიდან მიეწოდება.

ზელენსკიმ განაცხადა, რომ რუსეთმა უკვე მოამზადა ყველაფერი ტერქტის განსახორცილებლად.

„კახოვკის სადგურიდან გაყარეს უკრაინელი თანამშრომლები, იქ მხოლოდ რუსეთის მოქალაქეები იმყოფებიან. ისინი სრულად აკონტროლებენ სადგურს. საჭიროა დაუყოვნებლვ მოქმედება, რათა რუსეთს არ მიეცეს ამ კატასტროფის განხორციელების შესაძლებლობა“, -  თქვა ზელენსკიმ.

მისი თქმით, ტერაქტის დამანგრეველ ეკოლოგიურ, ჰუმანიტარულ და ტექნოლოგიურ შედეგებს შესაძლოა, ისტორიული კატასტროფა ეწოდოს.

მან მოითხოვა კახოვკის ჰიდროელექტროსადგურში საერთაშორიოს სადამკვირებლო მისიის გაგზავნა, უკრაინელი პერსონალის დაბრუნება და  აგრეგატებისა და კაშხლის დაუყოვნებლივ განმაღვა.

„რუსეთი ამ ყველაფერს აკეთებს იმისათვის, რომ მოაწყოს მორიგი ოპერაცია ყალბი დროშის ქვეშ - განახორციელოს ტერაქტი და ამაში უკრაინა დაადანაშაულოს“, - განაცხადა უკრაინის პრეზიდენტმა.