ომში ჩათრევის ვერსია სისულელეა. რეალური ვერსია მგონია ის არის, რაზეც ვაფრთხილებდით „ქართულ ოცნებას“, მიხეილ სააკაშვილი ციხეში ნიშნავს იმას, რომ ევროინტეგრაციის პროცესში გვექნება პრობლემები, - ამის შესახებ „გირჩის“ წევრმა იაგო ხვიჩიამ განაცხადა.

ხვიჩას თქმით, სააკაშვილი ყველაფერს გააკეთებს, რომ თავისუფალი იყოს, საქართველოში მისი თანაგუნდელები ეფექტიანად ვერ მუშაობენ, ბევრად უფრო კვალიფიციური თანაგუნდელები ჰყავს უკრაინაში, ისინი უსაქმოდ არ სხედან.

„ომში ჩათრევის ვერსია სისულელეა. რეალური ვერსია მგონია ის არის, რაზეც ვაფრთხილებდით „ქართულ ოცნებას“, მიხეილ სააკაშვილი ციხეში ნიშნავს იმას, რომ ევროინტეგრაციის პროცესში გვექნება პრობლემები. სააკაშვილი ყველაფერს გააკეთებს, რომ თავისუფალი იყოს. საქართველოში მისი თანაგუნდელები მაინც და მაინც ეფექტიანად ვერ მუშაობენ, მაგრამ ბევრად უფრო კვალიფიციური თანაგუნდელები ჰყავს უკრაინაში, ისინი უსაქმოდ არ სხედან. ამ პროცესიდან გამოსვლა თუ გვინდა, რასაც ვამბობდით, რომ მიხეილ სააკაშვილი უნდა იყოს გადაყვანილი უცხოეთში, ეს იყო გასაკეთებელი. შეიძლებოდა, რომ უცებ გაჩენილიყო სანქცირებულთა სიაში ისეთი გვარები, ვისზე საჯარო სივრცეში საუბარიც არ ყოფილა? ცხადია, რომ ამაში მიხეილ სააკაშვილის მეგობრების კვალი გამოიკვეთება, განსხვავებით თბილისისგან, ეს ხალხი იქ უსაქმოდ არ იქნება“, – განაცხადა ხვიჩიამ.