ისრაელის პრემიერ-მინისტრმა იაირ ლაპიდმა თქვა, რომ უკრაინას შეიარაღებას არ გადასცემენ.

ამის შესახებ მან Israel News-თან ინტერვიუში განაცხადა.

 „ჩვენ მხარი დავუჭირეთ უკრაინას. ჩვენ ვიყავით პირველები, და თუ არ ვცდები ვრჩებით ერთადერთ ქვეყნად, რომელმაც უკრაინაში საველე ჰოსპიტალი გაგზავნა, ჩვენ უკრაინაში გავაგზავნეთ და ვაგზავნით  ჰუმანიტარულ დახმარებას, ჩვენ ვთავაზობდით და ახლაც ვთავაზობთ სამოქალაქო გამაფრთხილებელი სისტემების მიწოდებას. რა თქმა უნდა, გაეროში ხმა მივეცით და ცალსახად დავგმეთ შეჭრა {უკრაინაში} და ხოცვა-ჟლეტა ბუჩაში“. - განაცხადა ლაპიდმა.

თუმცა მან თქვა, რომ როგორც პრემიერი ვალდებულია გაითვალისწინოს ისრაელის ეროვნული ინტერესები.

„მაგრამ მე - ისრაელის პრემიერ-მინისტრი ვარ და ჩემი მოვალეობაა გავითვალისწინო ისრაელის ეროვნული და თავდაცვითი ინტერესები. ამასთან დაკავშირებით გვიწევს ძალიან სერიოზული საკითხების გადაწყვეტა. მე საერთოდ არ მჯერა რთულ კითხვებზე მარტივი პასუხების. არც ამერიკელებს, არც ბრიტანელებს, რომლებიც უკრაინას შეიარაღებას აწვდიან, თავიანთ სამხედრო-საჰაერო ძალებს რუსული სატანკო კოლონიების დასაბომბად არ აგზავნიან. ყველა ითვალისწინებს თავის თავდაცვით ინტერესებს და მეც ზუსტად ასე ვმოქმედებ“, - განაცხადა ლაპიდმა.

შეგახსენებთ, უკრაინის საგარეო საქმეთა მინისტრი დმიტრო კულება იაირ ლაპიდს ტელეფონით ესაუბრა და უკრაინისთვის საჰაერო და სარაკეტო თავდაცვის სისტემებისა და ტექნოლოგიების გადაცემა სთხოვა.