თბილისში, სავარაუდოდ, ხელყუმბარის აფეთქების შედეგად 3 ადამიანი დაიჭრა
თბილისში, ლაღიძის ქუჩაზე აფეთქების შედეგად 3 ადამიანი დაიჭრა. გავრცელებული ცნობით, სავარაუდოდ, ხელყუმბარა აფეთქდა.
ერთ-ერთი მუხლი, რომლითაც გამოძიება დაიწყო, განზრახ მკვლელობის მცდელობაა.
გამოძიება სისხლის სამართლის კოდექსის 19-109 და 236-ე მუხლებით დაიწყო, რაც განზრახ მკვლელობის მცდელობასა და ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენას, შენახვას, ტარებას, დამზადებას, გადაზიდვას, გადაგზავნას ან გასაღებას გულისხმობს.
