რუსეთის პატრიარქი კირილი ამბობს, რომ დასავლეთი ცდილობს რუსეთი „აღგავოს პირისაგან მიწისა“, რადგან მას „სამყაროზე, ღმერთსა და ადამიანზე ალტერნატიული ხედვა აქვს“.

ამის შესახებ მან ნიჟეგოროდის ოლქის ერთ-ერთ მონასტერში ლიტურგიის შემდეგ განაცხადა.

„ზოგიერთს მიაჩნია, რომ დადგა დრო, როდესაც რუსეთს ბოლო უნდა მოეღოს, იმიტომ რომ ის არის ალტერნატიული ხედვა სამყაროზე, ღმერთსა და ადამიანზე. ის არ ჯდება იმ დაპროგრამებული სისტემის ჩარჩოში, რომელიც გამორიცხავს ღმერთს ადამიანთა ცოვრებიდან“,- თქვა კირილმა.

„რუსეთი ბევრისთვის თვალში ეკალია და ის, რაც დღს ხდება - არ არის მხოლოდ მორიგი სამხედრო კამპანია და რაღაც გარკვეული დაძაბულობა. იქმნება შთაბეჭდილება, რომ ბევრს სურს მართმადიდებლური  რუსეთი აღგავოს პირისაგან მიწისა, მაგრამ ეს ასე არ მოხდება“, - თქვა რუსეთის პატრიარქმა.