რუმინეთის თავდაცვის მინისტრმა ვასილე დინკუმ თანამდებობა უკრაინასთან დაკავშირებით გაკეთებული განცხადების გამო დატოვა. მედიის ცნობით, მან მიანიშნა, რომ უკრაინას შესაძლოა, მოუწიოს რუსეთისთვის ტერიტორიების დათმობა ომის შეწყვეტისკენ მიმართული მოლაპარაკებების ფარგლებში.

 „ომი გაგრძელდება. მშვიდობის მისაღწევად ერთადერთი შანსი რუსეთთან მოლაპარაკებებია. რა თქმა უნდა, რთული მოლაპარაკებები. მსოფლიოს ქვეყნები, ნატო, შეერთებული შტატები უნდა შეთანხმდნენ უკრაინის უსაფრთხოებაზე, გარანტიებზე და რუსეთთან მშვიდობის დამყარებაზე. უკრაინას თავად არ შეუძლია რუსეთთან მოლაპარაკებების წარმართვა, რადგან უკრაინის პოლიტიკურ კლასს ახლა არ შეუძლია ივარაუდოს... ტერიტორიების დაკარგვა, ტერიტორიების საბოლოოდ უსამართლოდ დაკარგვა. ეს იქნებოდა პოლიტიკოსების ზემეტად დიდი მარცხი“, - თქვა დინკუმ.

მისი თქმით, რუსეთს აქვს რესურსები ომის გასაგრძელებლად. „იდეალური იქნებოდა მოლაპარაკებების მიღწევა, თუნდაც გაყინული კონფლიქტის მიღწევა, მოლაპარაკებები მაინც მეტ სარგებელს მოიტანდა, ვიდრე ის რაც ახლა ხდება, ადამიანთა სიცოცხლისა და მატერიალური ფასეულობების განადგურება“, - განმარტა დინკუმ.

მინისტრის განცხადებას რუმინეთის პრეზიდენტის, კლაუს იოჰანისის მხრიდან მწვავე კრიტიკა მოჰყვა, მან თქვა, რომ მხოლოდ უკრაინის ხელისუფლების გადასაწყვეტია ვისთან გამართავს მოლაპარაკებებს.