უკრაინის შეიარაღებული ძალები ხერსონის ოლქის მარჯვენა სანაპიროს, სავარაუდოდ, წლის ბოლომდე გაათავისუფლებენ.

ამის შესახებ ამერიკის ომის შემსწავლელი ინსტიტუტის (ISW) ანგარიშშია ნათქვამი.

„რუსების პოზიციები ხერსონის ოლქის ზემო ნაწილში, სავარაუდოდ, მყიფეა; უკრაინის ძალები, სავარაუდოდ, ხერსონის ოლქის ზემო ნაწილს 2022 წლის ბოლომდე დაიბრუნებენ,“- აღნიშნულია ანგარიშში.

ISW-ში ფიქრობენ, რომ რუსი ოკუპანეტები ემზადებიან ხერსონის დაცვისთვის და ოლქის მარჯვენა სანაპიროდან სრულად არ გადიან. ზოგიერთი რუსი სამხედრო ბლოგერი, რომლებსაც ISW ეყრდნობა, ამტკიცებს, რომ რუსეთი ხერსონს ჩააბარებს, რადგან მისი შეკავების მცდელობა დიდ მარცხს გამოიწვევს.

ამის გარდა, რუს სამხედროებს არ მოუმზადებიათ საინფორმაციო სივრცე ხერსონის ოლქში მოსალოდნელი მარცხისთვის.