ბრიტანეთის დაზვერა ყოველდღიურ ანგარიშში უკრაინაში რუსეთის მხრიდან ვერტმფრენების დიდ დანაკარგზე საუბრობს და ყურადღებას ამახვილებს ჰაერში რუსეთის უპირატესობის მოპოვების უუნარობაზე.

უკრაინაში შეჭრის შემდეგ რუსეთმა სულ მცირე 23 საბრძოლო ვერტმფრენი Ка-52 დაკარგა. ეს არის რუსეთის საჰაერო ძალების 25 პროცენტზე მეტი 90-დან კა-52-ის და რუსული ვერტმფრენების მთლიანი დანაკარგის თითქმის ნახევარი.

რუსულ მოერიშე ვერტმფრენებს უდიდესი ზიანი, სავარაუდოდ, უკრაინელი სამხედროების მიერ გადასატანი საზენიტო-სარაკეტო კომპლექსების გამოყენების შედეგად მიადგა. ამის გარდა, ანგარიშის ავტორები აღნიშნავენ, რომ ვერტმფრენები ხშირად მოქმედებენ საბრძოლო თვითმფრინავების არასაკმარისი საფარის ქვეშ, რაც სრულებით არ შეესაბამება რუსულ სამხედრო დოქტრინას.

რუსეთი ისევ ვერ ახერხებს ჰაერში უპირატესობის მოპოვებას, რათა განახორციელოს ეფექტური, მუდმივი საავიაციო მხარდაჭერა ფრონტის ხაზის ახლოს, მისი საარტილერიო საბრძოლო მასალა კი იწურება. რუსი მეთაურები, სავარაუდოდ, უფრო ხშირად ხდებიან იძულებულნი, მიმართონ ვერტმფრენებით სახიფათო საბრძოლო ოპერაციებს, როგორც ერთ-ერთ დასაშვებ შესაძლებლობას ბრძოლის ველზე თავიანთი ჯარის ნაწილების მხარდასაჭერად.