ბრიტანეთის დაზვერვა განახლებულ ანგარიშში აღნიშნავს, რომ რუსეთმა, სავარაუდოდ,  დნიპროს დასავლეთით გააძლიერა ზოგიერთი დანაყოფი, რომელშიც მობილიზებული რეზერვისტები შედიან. თუმცა როგორც უწყება აღნიშნავს, სამხედროების მომზადებისა და რეკრუტირების დონე დაბალია. 2022 წლის სექტემბერში რუსი ოფიცრები ამბობდნენ, რომ ხერსონის მიმართულებებზე დანაყოფები ექვსი-რვა ადამიანისგან შედგებოდა, როცა დანაყოფები დაახლოებით 100 ჯარისკაცისგან უნდა შედგებოდეს.

ბოლო ექვს კვირაში შეინიშნება რუსული სახმელეთო ჯარების გადასვლა გრძელვადიან თავდაცვით პოზიციებზე ფრონტის ხაზის უმეტეს მონაკვეთში. დაზვრევა აღნიშნავს, რომ სავარაუდოდ, რუსეთის ძალების ხელმძღვანელობას ესმის, რომ ცუდად მომზადებულ ჯარს უკრაინაში მხოლოდ თავდაცვითი ოპერაციები შეუძლია.

ბრიტანეთის დაზვერვაში ამბობენ, რომ იმ შემთხვავაშიც კი თუ რუსეთი შეძლებს უკრაინაში გრძელვადიანი თავდაცვითი ხაზების გაძლიერებას, მისი ოპეარტიული სქემა მაინც მოწყვალდი დარჩება.

იმისათვის, რომ ინიციატივა დაიბრუნოს, რუსეთს მოუწევს უფრო ხარისხიანი, მობილური ძალების შექმნა, რომლებიც შეძლებენ დინამიურად წინააღმდეგობა გაუწიონ უკრაინელების გარღვევას და ჩაატარონ მსხვილმასშტაბიანი შეტევითი ოპერაციები.