ფორბსმა მილიარდელების ახალი რეიტინგი გამოქვეყნა, რომელშიც საქართველოს ყოფილი პრემიერ-მინისტრი ბიძინა ივანიშვილი 298-ე ადგილზეა. ივანიშვილი ფორბსის ინფორმაციით 4,8 მილიარდი აშშ დოლარის მფლობელია.

ბოლო ოთხი წლის განმავლობაში ბიძინა ივანიშვილი რეიტინში 145 ადგილით ჩამოქვეითდა, ხოლო მისი ქონება 1,6 მლრდ. აშშ დოლარით შემცირდა.

უნდა აღინიშნოს, რომ 2012 წელს ბიძინა ივანიშვილი რეიტინგში 6,4 მილიარდით 153-ე ადგილზე იყო, 2013 წელს მისი ქონება 5,3 მილიარდამდე შემცირდა, ხოლო, 2014 წელს 5,2 მილიარდამდე და რეიტინგში ივანიშვილმა 270-ე ადგილზე გადაინაცვლა. 2015 წელს მისი ქონება კვლავ 5,2 მილიარდი იყო, მაგრამ რეიტინგში 291-ე ადგილზე აღმოჩნდა.

გამოცემა ყურადღებას ამახვილებს, რომ ქართველი მილიარდერის მფლობელობაშია 1 მილიარდი აშშ დოლარის ღირებულების ხელოვნების ნიმუშები, მათ შორის პიკასოს დორა მარი, რომელიც ივანიშვილმა 2006 წელს, სოთბის აუქციონზე, 95 მილიონ აშშ დოლარად იყიდა.

ფორბსის მიხედვით, მდიდარი ადამიანების  რეიტინგში მყოფი ადამიანების ერთობლივი ქონება 6,48 ტრილიონი აშშ დოლარია.

მდიდარი ადამიანების რეიტინგის პირველი ათეული ასე გამოიყურება: ბილ გეიტსი - 75 მლრდ, ამანსიო ორტეგა, 67 მლრდ. უერონ ბაფეტი- 60,8 მლრდ, კარლოს სლიმი - 53,2 მლრდ, ჯოზეფ ბეზოსი - 45,2 მლრდ, მარკ ცუკერბერგი - 44,6 მლრდ, ლარი ელისონი - 43, 6 მლრდ, მაიკლს ბლუმბერგი - 40 მლრდ, ჩარლზ კოუკი - 39, 6 მლრდ, დევიდ კოუკი - 39,6 მლრდ.