უკრაინის სამხედრო დაზვერვის ხელმძღვანელმა კირილო ბუდანოვმა განაცხადა, რომ ხერსონის გათავისუფლების ოპერაცია, შესაძლოა, ნოემბრის ბოლომდე დასრულდეს. ამის შესახებ მან ამერიკულ გამოცემა The Drive-თან ისაუბრა.

მისი თქმით, ქალაქში ამჟამად „შედარებით მომზადებული და ბრძოლისუნარიანი“ რუსული ქვედანაყოფები იმყოფებიან, მათი უმეტესობა მედესანტეები, ასვე სპეცრაზმის ძალები და საზღვაო ქვეითები არიან.

ბუდანოვმა აღნიშნა, რიმ ხერსონის ოლქში 40 ათასი ბრძოლისუნარინი რუსი სამხედრო იმყოფება.

ხერსონისთვის მოსალოდნელი სისხლისმღვრელი ბრძოლების შესახებ ბუდანოვმა განაცხდა: „ჩვენ ვცდილობთ ამის თავიდან არიდებას, რამდენადაც შეგვიძლია, მაგრამ ბრძოლის გარეშე ამის გაკეთება შეუძლებელი იქნება“.  

ასვე ბუდანოვს ჰკითხეს, უკრაინის შეიარაღებული ძალები ხომ არ გეგმავენ ქალაქის ალყაში მოქცევას და იქ დისლოცირებული ჯარების იზოლირებას, რაზეც ბუდანოვმა უპასუხა: „ჩვენ სწორედ ამის გაკეთებას ვაპირებთ. მაგრამ ისინი {რუსები} მისადგომებთან წინააღმდეგობას გაგვიწევენ. ისინი შეეცდებიან ჩვენი წინსვლის შეფერხებას, მაგრამ უნდა გვესმოდეს, რომ ბრძოლები ყოველ დღე მიმდინარეობს“.