რუსეთის უშიშროების საბჭოს ხელმძღვანელის მოადგილე დმიტრი მედვედევი აცხადებს, რომ უკრაინის მიერ თავისი ტერიტორიების დეოკუპაცია წარმოადგენს „პირდაპირი საბაბს“ რუსეთის მხრიდან ბირთვული გამოყენებისათვის.

მისივე თქმით, მსოფლიო კონფლიქტის თავიდან აცილება მხოლოდ რუსეთის სრული და საბოლოო გამარჯვების შემთხვევაშია შესაძლებელი.

„დასავლეთის ქვეყნების ცნობილი თეზისი: რუსეთს არ უნდა მივცეთ უფლება გაიმარჯვოს ომში“. რას ნიშნავს ეს სინამდვილეში?

თვალი მიადევნეთ მარტივი ფორმულირების ლოგიკას. თუ არ გაიმარჯვებს რუსეთი, მაშინ გაიმარჯვებს უკრაინა.

კიევის რეჟიმმა ომში უკრაინის მიზანი დაასახელა -  ესაა ყველა იმ ტერიტორიის დაბრუნება, რომლებიც ადრე მას ეკუთვნოდა. ანუ, რუსეთისგან მათი გამოყოფა. ეს არის ჩვენი სახლმწიფოს არსებობისთვის საფრთხე და დღევანდელი რუსეთის დაშლა.

ეს კი ნიშნავს პირდაპირ საბაბს რუსეთის ფედერაციის ბირთვული შეკავების პოლიტიკის მეცხრამეტე პუნქტის გამოსაყენებლად. და მაშინ ვინ გეგმავს ბირთვულ კონფლიქტს? რა არის ეს, თუ არა მსოფლიო ომის პროვოცირება ბირთვული იარაღის გამოყენებით?“, – წერს მედვედევი.