ნეაპოლის პოლიციამ ხვიჩა კვარაცხელიას ახალი ავტომობილილი Mini Countryman, რომელიც ნაპოლის შემტევმა 28 სექტემბერს შეიძინა, იპოვა - ის კამპანიის კომუნა ტრენტოლა-დუჩენტაში, ერთ-ერთ ქუჩაზე მიტოვებული აღმოაჩინეს. პოლიციამ უკვე მოახდინა ავტომობილის იდენტიფიცირება.

შეგახსენებთ, რომ ხვიჩა კვარაცხელიას ავტომობილი ქურდებმა ნეაპოლის გარეუბან კუმა პარკიდან მოიპარეს, სადაც ხვიჩა კვარაცხელია ცხოვრობს. ქართველმა ფეხბურთელმა პოლიციაში მაშინვე განაცხადა, როცა გარაჟში მანქანა აღარ დახვდა. იტალიური მედიის ინფორმაციით, გაქურდვის მომენტში მას სახლის პირველ სართულზე ეძინა და ვერ გაიგო, როგორ აიღეს ქურდებმა მანქანის გასაღები და შემდეგ ის მოიპარეს.

როგორც მედია წერს, ხვიჩა კვარაცხელიას ავტომანქანა სარეკორდოდ სწრაფად, 24 საათზე ნაკლებ დროში იპოვეს.