რუსეთს უკრაინის საჰაერო სივრცეში უპირატესობა არ აქვს და სავარაუდოდ, არც უხლოეს თვეებში ექნება. ამის შესახებ ნათქვამია დიდი ბრიტანეთის დაზვერვის ინფორმაციაში.

უწყების ცნობით, რუსეთის საბრძოლო თვითმფრინავების დანაკარგები ბევრად აღემატება ახლის წარმოების შესაძლებლობებს.

 ასევე აგრესორ ქვეყნას არ აქვს საკმარისი დრო, რათა  აღადგინოს საბრძოლო ავიაცია და მოამზადოს კომპეტენტური პილოტები.

აღნიშნულია, რომ 3 ნოემბერს უკრაინის შეიარაღებული ძალების მთვარსარდალი ვალერი ზალუჟნი აცხადებდა, რომ რუსეთმა უკრაინაში იმაზე მეტი საბრძოლო თვითმფრინავი დაკარგა, ვიდრე საბჭოთა-ავღანეთის ომში. უკრაინაში რუსეთმა უკვე დაკარგა 278 თვითმფრინავი, მაშინ როდესაც ავღანეთში  119 საბჭოთა თვითმფრინავი განადგურდა.

„იმის მიუხედავად, რომ ჩვენ დამოუკიდებლად არ შეგვიძლია ამ ციფრების გადამოწმება, რუსეთის მხრიდან საჰაერო სივრცეში უპირატესობის არარსებობა სავარაუდოდ, ღრმავდება პილოტების ცუდი მომზადების, გამოცდილი ეკიპაჟების დაკარვისა და საჰაერო თავდაცვის ზონებში გაზრდილი რისკის შედეგად“, - ნათქვამია დაზვერვის ინფორმაციაში.