რეზო გიგინეიშვილის ყოფილი ცოლი თხოვდება.

მაიამიში 5 წლიანი ცხოვრების შემდეგ მომღერალ ნასტია კოჩეტკოვას ცხოვრებაში სიახლეებია - ის თხოვდება.

რუსული „ვარსკვლავების ფაბრიკა 4“-ის მონაწილესა და ვარსკვლავს, რეჟისორ რეზო გიგინეიშვილის ყოფილ მეუღლეს ნასტია კოჩეტკოვას დამწყებმა ამერიკელმა მსახიობმა, მიგელ ენჟელ ლარამ ხელი სთხოვა.

საკუთარ სამშობლოში სერიალებში განსახიერებული როლებისთვის ცნობილმა 24 წლის მსახიობმა საკუთარი შეყვარებული მაიამის ერთ-ერთ ცნობილ რესტორან Juvia-ში ვახშამზე დაპატიჟა.

წყვილმა მშვიდად ივახშმა და როდესაც დესერტის დრო მოვიდა, მიმტანმა ნასტიას ტკბილეული მოუტანა, სადაც გაკეთებული იყო წარწერა: „გამომყვები ცოლად?“.

გაიგონა რა „დიახ“, ლარამ ცრემლები ვეღარ შეიკავა და საცოლეს ბრილიანტის თვლით სამშვენებული ბეჭედი მოარგო.

აღსანიშნავია, რომ ნასტია კოჩეტკოვასთვის ეს რიგით მეორე ქორწინება იქნება, რადგანაც 17 წლის ასაკში ის ნიკიტა მიხალკოვის ამჟამინდელ სიძეს, რეზო გიგინეიშვილს გაყვა ცოლად.

ნასტიასა და რეზოს შვილი - მაშა გაუჩნდათ, თუმცა გოგონას დაბადების შემდეგ წვილი მალე ერთმანეთს დაშორდა.