საქართველომ სამწუხაროდ აირჩია არასწორი პოლიტიკური გზა და პოლიტიკური იზოლაცია, რომლის წინაშეც ის უკვე დგას, - ევროპარლამენტარი ვიოლა ფონ კრამონი ეხმიანება საქართველოს თავდაცვის მინისტრის ჯუანშერ ბურჭულაძისა და ირანის ისლამური რესპუბლიკის ახლადდანიშნული ელჩის შეხვედრას.

"სერიოზულად? "რეგიონული გამოწვევები და შესაძლებლობები" ირანის რეჟიმთან, რომელიც ამჟამად ახშობს ყველას ყველაზე სასტიკი გზით? ეს ახალი თანამშრომლობა აჩვენებს, რომ საქართველომ სამწუხაროდ აირჩია არასწორი პოლიტიკური გზა და პოლიტიკური იზოლაცია, რომლის წინაშეც ის უკვე დგას", - წერს ვიოლა ფონ კრამონი.

თავდაცვის მინისტრისა და ირანის ელჩის შეხვედრა4 ნოემბერს გაიმართა. თავდაცვის სამინისტროს ინფორმაციით, შეხვედრაზე საუბარი შეეხო რეგიონის წინაშე არსებულ ახალ გამოწვევებსა და შესაძლებლობებს. მხარეებმა, ასევე განიხილეს ორ ქვეყანას შორის ორმხრივი თანამშრომლობის დღის წესრიგში არსებული აქტუალური საკითხები და სამომავლო გეგმები.