ამერიკის რესპუბლიკური ინსტიტუტის დაკვეთით ჩატარებული კვლევის თანახმად, ყველაზე მეტი გამოკითხული (88%) პატრიარქ ილია მეორეს ენდობა. მას თბილისის მერი კახა კალაძე (57%) და პრემიერმინისტრი ირაკლი ღარიბაშვილი (44%) მოსდევენ. მეოთხე ადგილზე კი - ხალხისთვის ლიდერი ანა დოლიძეა.

მომდევნო სამ ადგილს 38-38%-ით პრეზიდენტი სალომე ზურაბიშვილი, "ლელოს" წევრი დავით უსუფაშვილი და სახალხო დამცველი ნინო ლომჯარია იყოფენ. 37-37% ენდობა გიორგი გახარიას და გიორგი ვაშაძეს, ბიძინა ივანიშვილი რეიტინგში მეათე ადგილს იკავებს - მას 36% ენდობა.

IRI-ის დაკვეთით კვლევა ჩატარდა 2022 წლის 13 სექტემბრიდან 2 ოქტომბრამდე პერიოდში. საველე სამუშაოები კომპანია IPM-მა ჩაატარა. მონაცემები შეგროვდა პირისპირ ინტერვიუს მეთოდით რესპონდენტთა სახლებში. მრავალეტაპიანი შემთხვევითი შერჩევის მეთოდით გამოიკითხა 1500 სრულწლოვანი მოქალაქე. ცდომილების ზღვარი +/- 2.5%-ია.