უკრაინის შეიარაღებული ძალები მაგრდებიან ხერსონისა და დონეცკის ოლქებში და თანდათან ათავისუფლებენ დასახლებულ პუნქტებს. ბრძოლების ინტენსივობა იმაზე ნაკლები არ არის, ვიდრე შემოდგომის დასწყისში იყო,-  ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.

 „საინფორმაციო სივრცეში კვლავ შეიმჩნევა ფრონტიდან ახალი ამბების გარკვეული კლება - ინფორმაციები ნაკლებია, ვიდრე მაგალითად შემოდგომის დასწყისში იყო, თუმცა ეს იმას არ ნიშნავს, რომ ბრძოლების ინტენსივობამ იკლო“, - თქვა ზელენსკიმ.

მისი თქმით, მთელ ფრონტზე რთული ვითარებაა. ცალკეულ მონაკვეთებზე გრძელდება პოზიციური ბრძოლები, განსაკუთრებით მძიმე ბრძოლებია დონეცკის ოლქში.

ზელენსკი ამბობს, რომ ოკუპანტები დიდ დანაკარგს განიცდიან, მაგრამ კვლავ ცდილობენ შეასრულონ ბრძანება და გავიდნენ დონეცკის ოლქის ადმინისტრაციულ საზღვარზე.

 „ხერსონის ოლქი - კარგად გვესმის, რომ მტრის გეგმაშია, ამიტომ ვმოქმედებთ შესაბამისად, ფრთხილად, გააზრებულად და ჩვენი ტერიტორიების გათავისუფლების ინტერესებიდან გამომდინარე. ვამაგრებთ ჩვენს პოზიციებს. ვტეხთ რუსეთის ლოჯისტიკას, თანმიმდევრულად ვანადგურებთ მტრის პოტენციალს შეინარჩუნონ ოკუპაციის ქვეშ ჩვენი ქვეყნის სამხრეთი“, - განაცხადა ზელენსკიმ.