რუსეთის თავდაცვის მინისტრმა, სერგეი შოიგუმ რუსეთის გაერთიანებული სამხედრო დაჯგუფების მეთუარის, სერგეი სუროვიკინის მოხსენების მოსმენის შემდეგ, ქალაქ ხერსონიდან ჯარების გაყვანის ბრძანება გასცა.

„მიმდინარე სიტუაციის ყოვლისმომცველი შეფასებით, გთავაზობთ, მდინარე დნეპრის მარცხენა სანაპიროს დაკავებას თავდასაცავად. მესმის, რომ ეს ძალიან რთული გადაწყვეტილებაა. ამავდროულად, ჩვენ შევინარჩუნებთ, ყველაზე მნიშვნელოვანს, ჩვენი სამხედროებისა და შეიარაღებული დაჯგუფებების ბრძოლიუნარიანობას, რომელთა დაყოვნებაც მარჯვენა სანაპიროზე უპერსპექტივოა“, – მიმართა შოიგუს სუროვიკინმა.

"დაიწყეთ ჯარების გაყვანით და მიიღეთ ყველა ზომა, რათა უზრუნველყოთ პერსონალის, იარაღისა და აღჭურვილობის უსაფრთხო გადაყვანა მდინარე დნეპრის გავლით", - თქვა შოიგუმ.

სუროვიკინის ინფორმაციით, ოკუპირებული ხერსონიდან რუსული ჯარების გაყვანის პროცესი უახლოეს დროში დასრულდება.

რუსული ჯარების მიერ ხერსონის დატოვებას მდინარე დნეპრის მარჯვენა სანაპიროს სრული გათავისუფლება მოჰყვება.

 ხერსონი იყო ერთადერთი რეგიონული ცენტრი, რომელიც ომის დაწყების დღიდან რუსეთის სამხედრო კონტროლის ქვეშ იმყოფებოდა.