პუტინი „დიდი ოცეულის“ სამიტს არ დაესწრება
„დიდი ოცეულის“ სამიტს რუსეთის პრეზიდენტი ვლადიმირ პუტინი არ დაესწრება. ამის შესახებ პუტინის პრესმდივანმა პესკოვმა დღეს, რუსულ სააგენტო „ტასს“ განუცხადა. იუწყება BBC. მისი ინფორმაციით, სამიტს, რომელსაც ინდონეზია 15-16 ნოემბერს უმასპინძლებს, საგარეო საქმეთა მინისტრი სერგეი ლავროვი დაესწრება.
„დიდი ოცეულის“ სამიტი ინდონეზიის კუნძულ ბალიზე გაიმართება.
სამიტზე მიწვეულია უკრაინის პრეზიდენტი ვოლოდიმირ ზელენსკიც, რომელიც, წინასწარი ინფორმაციით, ფორუმის მონაწილეებს ონლაინ მიმართავს. 3 ნოემბერს ზელენსკიმ განაცხადა, რომ სამიტში მონაწილეობაზე უარს იტყვის, თუ მას პრეზიდენტი პუტინი დაესწრება.
