ერთიანი ნაციონალური მოძრაობის წევრის, ლევან ხაბეიშვილის აზრით, ნიკა მელია პარტიის თავმჯდომარის არჩევნებს ვერ მოიგებს, რადგან, ხაბეიშვილის თქმით, არჩევნების საჭიროება ცვლილებების აუცილებლობას ნიშნავს.

"მე არ მგონია, რომ ნიკა მელია არჩევნებს მოიგებს. მარტივი მიზეზის გამო - ის თავადაც ამბობს, რომ არჩევნები უნდა ჩატარდეს. მისი მხარდამჭერებიც ამბობენ, რომ არჩევნები საჭიროა. თუ არჩევნები საჭიროა, ანუ ცვლილებებია საჭირო. როცა ცვლილებები საჭირო არ არის, არჩევნების საჭიროებაც არ არის ხოლმე, ეს ძალიან ლოგიკურია". - ამბობს ხაბეიშვილი ფორმულასთან საუბარში.

ერთიანი ნაციონალური მოძრაობის წევრების ნაწილი შიდაპარტიულ არჩევნებს და თავჯდომარის ხელახლა არჩევას ითხოვს. ამის შესახებ ენმ-ს წევრმა, ირაკლი ნადირაძემ საგანგებოდ გამართულ ბრიფინგზე 9 ნოემბერს განაცხადა.