უკრაინის თავდაცვის სამინისტროს დაზვერვის მთავარი სამმართველო ადასტურებს, რომ უკრაინელი სამხედროები ხერსონში შედიან.

უწყებაში აღნიშნავენ, რომ ხერსონიდან უკან დახევისას რუსეთის სარდლობამ თავისი სამხედროები მიატოვა და მოუწოდა სამოქალაქო ფორმაში გადაცმულები გაიქცნენ და თავიანთ თავს თვითონ უშველონ.

უწყება მიტოვებულ რუს ჯარისკაცებს ტყვედ ჩაბარებისკენ მოუწოდებს.

" ხერსონი უკრაინის კონტროლქვეშ ბრუნდება, ქალაქში შედიან უკრაინის შეიარაღებული ძალების ქვედანაყოფები. რუსი ოკუპანტების უკან დასახევი გზა უკრაინის არმიის ცეცხლის ქვეშ არის. ნებისმიერი მცდელობა წინ აღუდგნენ უკრაინის ძალებს, აღკვეთილი იქნება. ყოველი რუსი სამხედრო, რომელიც გაგვიწევს წინააღმდეგობას, განადგურდება. თქვენ გაქვთ ერთადერთი შანსი - თავიდან აირიდოთ სიკვდილი და დაუყოვნებლივ ტყვედ ჩაგვბარდეთ“, - ნათქვამია უწყების განცხადებაში.

ამასთან, სოციალურ ქსელებში ვრცელდება ვიდეოკადრები, თუ როგორ შედიან უკრაინის დამვველები ხერსონში, პოლიციის მთავარი სამმართველოს შენობაზე უკრაინის დროშა ფრიალებს.