დღეს ისტორიული დღეა - ჩვენ ვბრუნდებით ჩვენი ქვეყნის სამხრეთში, - ამის შესახებ  უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.

„დღეს ისტორიული დღეა - ჩვენ ვიბრუნებთ ჩვენი ქვეყნის სამხრეთს. ამჟამინდელი მდგომარეობით, ჩვენი დამცველები ქალაქის {ხერსონის} მისადგომებთან არიან, დარჩენილია სულ ცოტა - ვიწყებთ შესვლას. თუმცა სპეციალური დანაყოფები უკვე ქალაქში იმყოფებიან. ხერსონელები გველოდებოდნენ, მათ არასდროს უთქვამთ უარი უკრაინაზე. უკრაინის იმედი ჰქონდათ, უკრაინა თავისას ყოველთვის იბრუნებს“, - განაცხადა ზელენსკიმ.

პრეზიდენტმა აღნიშნა, რომ ოკუპანტების მხრიდან მუქარის, რეპრესიებისა და დამცირების მიუხედავად, ხერსონელები უფრთხილდებოდნენ უკრაინის დროშებს, სჯეროდათ უკრაინის. ახლაც კი, როდესაც ქალაქი სრულად არ არის გაწმენდილი მტრისგან - თავად ქალაქელები ხსნიან ქუჩებიდან და შენობებიდან რუსულ სიმბოლიკებს და ხერსონში ოკუპანტების ყოფნის ნებისმიერ კვალს შლიან.

„ასე იყო ჩვენი დამცველების მიერ გათავისუფლებულ სხვა ქალაქებშიც. ასე იქნება იმ ქალაქებშიც, რომლებიც ჯერ კიდევ ელიან  ჩვენს დაბრუნებას“, - აღნიშნა უკრაინის პრეზიდენტმა.

დღეს, 11 ნოემბერს, უკრაინის შეიარაღებული ძალების ქვედანაყოფები ხერსონში შევიდნენ.