ხერსონიდან რუსული ჯარის უკან დახევა წარმოადგენს სირთულეების აღიარებას, რომლის წინაშეც რუსეთი დნიპროს მარჯვენა ნაპირზე აღმოჩნდა.

ამის შესახებ ნათქვამია ბრიტანეთის დაზვერვის ყოველდღიურ ანგარიშში.

 „ხერსონი იყო ერთადერთი რეგიონული ცენტრი, რომელიც თებერვლიდან რუსეთის სამხედრო კონტროლის ქვეშ იმყოფებოდა, ამიტომ უკან დახევა მნიშვნელოვან ზიანს აყენებს {რუსეთის ძალებს}. სრულიად შესაძლებელია, რომ რუსეთი ჯერ კიდევ ცდილობს გაიყვანოს ძალები სხვა რაიონებიდან მდინარის გავლით თავდაცვით პოზიციებზე აღმოსავლეთ ნაპირზე“, - ნათქვამია ინფორმაციში.

ასევე აღნიშნულია, რომ არსებობს რეალური ალბათობა იმისა, რომ რუსული სამხედრო ტექნიკა და ძალები სამოქალაქო პერონალთან და ასევე გამოცხადებულ 800 ათას ევაკუირებულ მშვიდობიან მოსახლეობასთან ერთად ბოლო კვირების განმვალობაში გავიდა.

 „გაყვანა დასრულდა გამოცხადებიდან  მხოლოდ ორი დღის შემდეგ. სავარაუდოდ, გაყვანის პროცესი ჯერ კიდევ 22 ოქტომბერს დაიწყო, როდესაც რუსმა მაღალჩინოსნებმა ხერსონში მშვიდობიან მოქალქეებს ქალაქის დატოვებისკენ მოუწოდეს“, - ნათქვამია ანგარიშში.

ამასთან, აღნიშნულია, რომ სავარაუდოდ, ამ პროცესის ფარგლებში რუსულმა ჯარმა გაანადგურა საავტომობილო და სარკინიგზო ხიდები მდინარე დნიპროზე.