რუსეთმა ჯიმ კერის და მარგარეტ ეტვუდს ქვეყანაში შესვლა აუკრძალა
რუსეთმა სანქციები დაუწესა კანადის კიდევ 100 მოქალაქეს, მათ შორის ჰოლივუდის მსახიობს, ჯიმ კერის და პოპულარულ მწერალს, მარგარეტ ეტვუდს - ამის შესახებ რუსეთის საგარეო საქმეთა სამინისტრო იუწყება. უწყების განცხადებით, ეს პასუხია სანქციებისა, რომლებიც რუსეთის მოქალაქეებს დაუწესა კანადის "რუსოფობიურმა მთავრობამ".
სანქციები ითვალისწინებს აკრძალვას რუსეთში მოგზაურობაზე.
სანქცირებულთა სიაში არიან ასევე კანადის მოქმედი და ყოფილი ოფიციალური პირები, საგანმანათლებლო ინსტიტუტებისა და კულტურის სფეროს წარმომადგენლები.
საერთო ჯამში, რუსეთმა სანქციები კანადის 1005 მოქალაქესა და კომპანიას დაუწესა.
