უნდა შედგეს ეროვნული კონსენსუსი ევროკავშირისკენ მიმავალ გზაზე, ევროკავშირის კანდიდატის სტატუსის მიღების მიზნით. ასე მუშაობს სისტემა, სხვანაირად არ მუშაობს ეს სისტემა, -  ამის შესახებ გაფართოებისა და სამეზობლო პოლიტიკის საკითხებში ევროკომისარმა ოლივერ ვარჰეიმ საქართველოს პრემიერ-მინისტრ ირაკლი ღარიბაშვილთან ერთად გამართულ პრესკონფერენციაზე განაცხადა.

„უნდა შედგეს ეროვნული კონსენსუსი ევროკავშირისკენ მიმავალ გზაზე, ევროკავშირის კანდიდატის სტატუსის მიღების მიზნით. ასე მუშაობს სისტემა, სხვანაირად არ მუშაობს ეს სისტემა, გვინახავს სხვა ქვეყნების შემთხვევაში, 2004, 2007-ში გაფართოების გზაზე, ხორვატიაც იგივე რეჟიმში იყო. ქვეყნის ცხოვრებაში დგება მომენტი, როდესაც კონსენსუსი უნდა შედგეს, სხვა შემთხვევაში პროცესი მართვადი არ იქნება. ამიტომ არ მინდა, აქცენტი გავაკეთო ხელისუფლებაზე, ოპოზიციაზე, რადგან ყველაფერი იცვლება, მაგრამ რაც არ იცვლება, არის ის, რომ უნდა არსებობდეს ფუნდამენტური შეთანხმება მიზანსა და ამოცანებზე, რომელიც მიგვიყვანს ევროპისკენ. ამიტომ იმედი მაქვს, რომ დღეს იქნება მკაფიო დასტური ყველა მხრიდან. რა თქმა უნდა, მთავრობას ყველაზე დიდი პასუხისმგებლობა აკისრია, ის გვთავაზობს წინადადებებს, ის გვთავაზობს საქმეს, რომელიც ეფუძნება ამ რეკომენდაციების შესრულებას, მაგრამ აქ ყველაზე მეტი წილი პარლამენტის გასაკეთებელია, ამიტომ მივდივარ პარლამენტში და მათთან შევაჯერებ პოზიციებს“, – განაცხადა ოლივერ ვარჰეიმ.