ნატო-სა და „დიდი შვიდეულის“ ქვეყნების ლიდერებმა ინდონეზიაში გამართული სამიტის ფარგლებში საგანგებო შეხვედრის შემდეგ  ერთობლივი განცხადება გაავრცელეს, რომელშიც დაგმეს 15 ნოემბერს, რუსეთის მიერ უკრაინის ქალაქებისა და სამოქალაქო ინფრასტრქუტრის წინააღმდეგ ბარბაროსული სარაკეტო დარტყმები, ამასთან, პოლონეთში მომხდარი აფეთქების გამოძიებაში დახმარების მზადყოფნა გამოთქვეს.

 „ჩვენ კვლავ გამოვხატავთ  უკრაინისა და უკრაინელი ხალხის მიმართ ურყევ მხარდაჭერას რუსული აგრესიის ფონზე, ასევე ვინარჩუნებთ მზადყოფნას პასუხი აგოს რუსეთმა თავისი ურცხვი თავდასხმებისთვის უკრაინის მოსახლეობის წინააღმდეგ“, - ნათქვამია განცხადებაში.  

უკრაინის ხელისუფლების ინფორმაციით, 15 ნოემბერს რუსეთმა უკრაინის მთელ ტერიტორიაზე 100-მდე რაკეტა ისროლა. დარტყმის ქვეშ მოექცა ათობით ქალაქი და რაიონი. ეს იყო ყველაზე ინტენსიური სარაკეტო იერიში 10 ოქტომბრის შემდეგ, როდესაც რუსეთმა გამოიყენა ტაქტიკური მასირებული საჰაერო დარტყმები უკრაინის ელექტროენერგიის, წყლისა და გაზმომარაგების განადგურების მიზნით.

G7-სა და ნატო-ს ლიდერებმა ასევე გამოხატეს მზაობა ყველა შესაძლო დახმარება გაუწიონ პოლონეთს, რომლის ტარიტორიაზეც 15 ნოემბერს რაკეტის ჩამოვარდნის შედეგად აფეთქებები მოხდა, დაიღუპა ორი ადამიანი. „ჩვენ სამძიმარს ვუცხადებთ პოლონეთსა და უკრაინაში დაღუპულების ოჯახებს“, - ნათქვამია განცხადებაში.