აშშ-ის წარმომადგენელთა პალატაში რესპუბლიკურმა პარტიამ უმრავლესობა მოიპოვა. როგორც BBC იუწყება, ახლა ისინი გარანტირებულად უკვე 218 მანდატს ფლობენ, რაც უმრავლესობისთვის აუცილებელი მინიმუმი იყო. თუმცა, შუალედური არჩევნების ხმების დათვლა ჯერ კიდევ მიმდინარეობს.

435-მანდატიან წარმომადგენელთა პალატაში, სავარაუდოდ, „რესპუბლიკური პარტია“, საბოლოო ჯამში, 223 ადგილს მოიპოვებს. ამ დროისთვის დემოკრატები გარანტირებულად 210 ადგილს ფლობენ.

რაც შეეხება სენატს, აქ უმრავლესობის შენარჩუნება დემოკრატებმა შეძლეს. ამ დროისთვის მათ უკვე 50 ხმა აქვთ. არჩევნების მეორე ტური ჯორჯიის შტატში უნდა გაიმართოს. თუმცა, მის შედეგს ძალთა ბალანსზე გავლენა აღარ ექნება.