ევროპულ და ევრაზიულ საკითხებში სახელმწიფო მდივნის თანაშემწე კარენ დონფრიდმა აშშ-ს სენატის საგარეო საქმეთა კომიტეტის სხდომაზე განაცხადა, რომ კელი დეგნანის კრიტიკა ხელისუფლებასთან დაკავშირებული ჯგუფების მხრიდან ძირს უთხრის ორი ქვეყნის პარტნიორობას.

"მინდა ყველას ვუთხრა, რომ ის [კელი დეგნანი] არის საქართველოში აშშ-ს დაუჯერებლად კარგი წარმომადგენელი და მას ნებისმიერ დროს მხარს დავუჭერ. ამის შესახებ საქართველოს მთავრობასა და პრემიერ-მინისტრს ვესაუბრეთ. მიუხედავად იმისა, რომ ეს ჯგუფები არ არიან მთავრობის ნაწილი, ზოგიერთ მათგანს, რომელიც უსამართლოდ აკრიტიკებს ელჩს, აქვს მჭიდრო კავშირი ხელისუფლებასთან და ჩვენ ხაზი გავუსვით, რომ ეს კრიტიკა ძირს უთხრის ჩვენს პარტნიორობას", - თქვა დონფრიდმა.